• Azərbaycanda

Azərbaycanda İran Mədəniyyət Günləri keçiriləcək

İyunun 27-dən iyulun 1-dək ölkəmizdə İran mədəniyyəti günləri keçiriləcək.

Ahlibeyt.az-ın Mədəniyyət Nazirliyi mətbuat xidmətinə istinadən verdiyi xəbərə görə, mədəniyyət günləri çərçivəsində İranın incəsənət ustalarının iştirakı ilə konsertlərin, sərgilərin təşkili, film və teatr tamaşalarının nümayişi nəzərdə tutulur.

Mədəniyyət günləri iki ölkə arasında mədəni əməkdaşlığın inkişafına, incəsənət ustalarının və digər sənət adamlarının bir-birini daha yaxından tanımasına, sıx ünsiyyət qurmasına, İranın mədəni nailiyyətlərinin Azərbaycan sənətsevərlərinə təqdim edilməsinə, habelə təcrübə mübadiləsinin genişlənməsinə rəvac verəcək.

Mədəniyyət günləri çərçivəsində İran İslam Respublikasının mədəniyyət və islam irşad naziri Seyid Abbas Salehinin başçılığı altında tanınmış mədəniyyət və incəsənət xadimlərindən ibarət geniş tərkibli nümayəndə heyəti ölkəmizə səfər edəcək.

Mədəniyyət Günləri çərçivəsində keçiriləcək tədbirlərin proqramı:

s/s	Vaxt və saat	Tədbirin adı	Keçirilmə yeri	Ünvan
1.	27 iyun, saat 17:00	- Mətbuat konfransı, - İran incəsənət ustalarının əl işləri, milli geyim nümunələrinin, turizm, xəttatlıq, foto və rəsm əsərlərindən ibarət sərginin açılışı	Muzey Mərkəzi	(Ünvan: Bakı şəhəri, Neftçilər prospekti, 49)
2.	27 iyun, saat 19:00	İran Mədəniyyət Günlərinin rəsmi açılışı və İran Milli Orkestrinin konserti,	Azərbaycan Dövlət Akademik Filarmoniyası	(Ünvan: Bakı şəhəri, İstiqlaliyyət küçəsi, 10)
	28 iyun, saat 17:00	Tanınmış rejissor Məhəmmədrza Məcidi Taleşin “Məhəmməd: Allahın Elçisi” bədii filminin təqdimatı,	Nizami Kino Mərkəzi	(Ünvan: Bakı şəhəri, Bülbül prospekti, 20)
3.	28, 29 iyun, saat 19:00	Titovak Teatrının “İlahi Komediya. Cəhənnəm” tamaşasının (ssenari müəllifi və rejissoru İbrahim Poştkuhi) nümayişi	Azərbaycan Dövlət Musiqili Teatrı,	(Ünvan: Bakı şəhəri, Zərifə Əliyeva küçəsi, 8)
4.	29 iyun, saat 19:00	İran Milli Orkestrinin konserti	Gəncə Dövlət Filarmoniyası