Mübarək Ramazan günlərinin savabları - 20-ci gün

Rəsulullah(s) buyurur: "Bu ay Ramazan deyə adlandırıldı - Çünki bu ay günahları təmizləyər."

Ramazan ayının mübarək günlərini yaşayırıq.Əziz İslam peyğəmbəri həzrəti Məhəmməddən(s) nəql olunan bu ayın günlərinin savabları barədə bir hədisi hissə-hissə təddim edirik:

Səid ibni Cübeyr nəql edir - İbni Abbasdan soruşdum: Ramazan ayında oruc tutan və onun haqqını dərk edənə nə (mükafat) düşür?

- O dedi: Hazırlaş,ey ibni Cübeyr! Mən qulaqlarının eşitmədiyi və sənin qəlbinə daxil olmayan bir şeyi sənə danışacam.Özünü məndən istədiyin şey üçün azad et, çünki sən ilklərin və sonuncuların biliklərini istəmisən.

- Səid ibni Cübeyr dedi: O zaman mən onun yanından çıxdım və sabahki gün üçün hazırlaşdım.Səhər sübh çağı onun yanına getdim, sübh namazını qıldım və sonra söhbəti ona xatırlatdım.

-O,üzünü mənə tərəf çevirib dedi: Dediklərimi dinlə Allah Rəsulunun(səlləllahu əleyhi və alihi və səlləm) belə buyurduğunu eşitdim:

- "Əgər Ramazanda sizlər üçün nəyin olduğunu bilsəydiniz Allaha olan şükrünüz artardı  -

"İyirmi gün tamam olanda, Allah yanınıza sizi hər lənətlənmiş şeytandan qoruyacaq yetmiş min mələk göndərəcək.Oruc tutduğunuz hər günə görə Allah sizin üçün yüz ilin orucunu yazar, sizinlə od arasında yarğan qərar verər və sizə Tövratı, İncili, Zəburu və Furqanı (Quran) oxuyanşəxsin  əta edər. Allah sizin üçün Cəbrailin(ə) lələklərinin sayı qədər illərin ibadətini yazar.allah sizə ərş və kürsünün təqdis olunmasının mükafatını əta edəcək və Quranın hər ayəsinə görə, sizə zövcə olaraq min huri hədiyyə edər " ...

Ardı var..

Mənbə: Şeyx Səduq - Səvəbul-Əmal və İqabul-Əmal(Əməllərin mükafat və cəzası)-Ramazan ayının fəzilətləri fəsli - hədis- 254)