Hacı Şahin Həsənli Cəlilabadda xanım Zəhranın(ə) şəhadət günü ilə bağlı keçiriləcək mərasimə qatılacaq

İslam peyğəmbəri həzrət Məhəmmədin(s) sevimli qızı, ismət rəmzi,dünya və axirət xanımlarının seyyidəsi Həzrət Fatimeyi Zəhranın (ə) şəhadət günləri ilə bağlı Azərbaycanın müxtəlif bölgələrində mərasimlər təşkil edilir.

Ahlibeyt.az-ın məlumatına görə,fevralın 14-də  Cəlilabad rayonu mərkəzi Cümə məscidində təşkil olunacaq.

Mərasimdə tanınmış ilahiyyatçı alim Hacı Şahin Həsənli və əhli-beyt məddahı Seyyid Peyman Boradigahlı iştirak edəcək.

Mərasim fevral ayının 14-ü saat 19:00-da başlayacaq.

Qeyd edək ki, Həzrəti Fatimənin (s) şəhadət günü ilə bağlı tarixdə iki versiya qeyd olunub. Bəzi mənbələr bu hadisənin hicri-qəməri təqvimi ilə cəmadiül-əvvəl ayının 13-də, bəzi mənbələr isə cəmadiül-sani ayının 3-də baş verdiyini qeyd edir.

Xanımın şəhadət tarixinin dəqiq bilinməməsi səbəbindən İslam alimləri bu iki tarix arasındakı 20 günü "Əyyami-Fatimiyyə" adlandırıblar.