QMİ dini mövzuda yazan jurnalistlər üçün kurs təşkil edəcək

Qafqaz Müsəlmanları İdarəsi (QMİ) tərəfindən dini mövzuda yazan jurnalistlər üçün xüsusi təkmilləşdirmə kursları təşkil olunacaq.

Ahlibeyt.az  Salamnews-a istinadən xəbər verir ki, bu barədəQMİ-nin sədri, Şeyxülislam Allahşükür Paşazadə deyib.

Onun sözlərinə görə, hazırda jurnalistlər üçün belə bir kursun keçirilməsinə ehtiyac var:

"Bəzən jurnalistlər dini mövzuda yazanda yanlış fikirlərə yol verirlər. Media nümayəndələri bu sahədə yazı hazırlayarkən diqqətli olmalıdırlar.

QMİ nəzdində yaradılacaq jurnalistlər üçün kursda dini mövzuda biliklər öyrədiləcək, onlara dövlət-din münasibətlərinin qurulması işində yardımçı ola bilmələri üçün ətraflı biliklər veriləcək".