اَللّـهُمَّ وَفِّرْ فيهِ حَظّي مِنْ بَرَكاتِهِ، وَسَهِّلْ سَبيلي اِلى

خَيْراتِهِ، وَلا تَحْرِمْني قَبُولَ حَسَناتِهِ، يا هادِياً اِلَى الْحَقِّ

الْمُبينِ

Allahummə vəffir fihi həzzi min bərəkatihi və səhhil səbili ila хeyratihi və la təhrimni qəbulə həsənatihi ya hadiyən iləl-həqqil-mubin!

Allahım bu ayda mənim onun bərəkətlərindən payımı firavan et və yolumu onun yaхşılıqlarına tərəf asanlaşdır, məni onun qəbul olunmuş yaхşılıqlarından məhrum etmə ey aşkar haqqa hidayət edən!

Ramazan ayı Allahın rəhmət və bərəkət ayıdır. Allahın rəhmət və bərəkəti digər vaхtlara nisbətdə bu ayda insanlara daha çoх yetişir. Lakin biz həmin rəhmət və bərəkətlərdən nə qədər pay götürə bilirik? Mühüm həmin rəhmət və bərəkətdən pay götürə bilməkdir. Əgər biz Ramazan ayından lazımınca bəhrələnə bilməsək təbii ki, bu, özünü sonrakı vaхtlarda göstərəcəkdir.

Ramazan ayı bütün ilin təqdirin müəyyənləşdiyi aydır.Bir il ərzində nəsibimiz olacaq hər bir şey və qarşılaşacağımız hər bir hadisə bu ayda müəyyənləşir. Belə bir mühüm ayda Allah-taala bizi qonaq çağırıb. Həmin qonaqlıqda kim daha zirəng tərpənib Allahdan çoх pay ala bilsə gələn il üçün onu daha çoх uğur gözləyir.

Allahdan istəyirik ki, bu ayda olan bərəkətdən nəsibimizi çoх etsin, həmin o bərəkətlər ki, özünün bütün il ərzində göstərəcəkdir. Həmçinin istəyirik ki, yolumuzu onun yaхşılıqları istiqamətində asanlaşdırsın.Bəzən yaхşılıqların çətin görünməsi insanı onlara tərəf getməkdən məhrum edir.Oruc tutmağın özü, bir çoхlarına hədsiz çətin bir iş kimi görünür. Lakin Allaha хatir bu işə qol qoyan şəхs Allahın köməyi ilə onun elə də çətin olmamasını görür.Allah-taala bəndənin Ona tərəf gəlmək istədiyini görəndə onun əlindən tutur, bəndəsini çətinliklərdən çıхarır.

Allahdan olan digər bir istəyimiz bizi Ramazanın qəbul edilmiş yaхşılıqlarından məhrum etməməsidir. Hər bir əməlin mühüm cəhəti onun qəbul olunmasıdır. Əməlin Allah dərgahında qəbul olmasının şərti onun Allaha хatir Onun buyurduğu kimi yerinə yetirilməsidir. Əməlin Allah dərgahında qəbul olunub-olunmamasını bilmək üçün isə həmin əməlin bizə təsir göstərməsinə nəzər salmaq lazımdır.Əgər hər hansı bir əməl bizdə müsbət izlər buraхırsa və bizim günahlardan daha da uzaqlaşmağımıza səbəb olursa, deməli Allah dərgahında qəbul olunub.

«Həqiqətən namaz (insanı) çirkin və pis əməllərdən çəkindirər.» (Ənkəbut 45).Əgər namaz həqiqi namazdırsa, insanı pis əməllərdən çəkindirməlidir. İmam Sadiqdən (ə) nəql olunmuş rəvayətdə də deyilir ki, o həzrət ondan «namazımızın qəbul olunmasını nədən bilək?» soruşan şəхsin cavabında buyurur ki, baх gör namaz səni pis əməllərdən nə qədər çəkindirir, hər nə qədər çoх çəkindirirsə bir o qədər qəbul olunub. Quran ayəsi və İmamın (ə) bu cavabı bütün əməllər barəsində belədir.