Məlum olduğu kimi, karantin rejimi ilə əlaqədar Azərbaycanda Qədr gecələri ilə bağlı mərasimlər də onlayn təşkil edilir. Artıq mayın 12-si və 14-ü Məşədi Dadaş məscidində videobağlantı vasitəsilə 2 mərasim keçirilib.

Saat 22:30-da başlayan məclis məscidin imamı, ilahiyyatçı Hacı Şahin Həsənlinin xütbəsi ilə davam edib. Tədbir canlı olaraq Hacı Şahin Həsənlinin rəsmi yutub, feysbuk və instaqram hesablarında yayımlanıb.

Canlı yayımlarda instaqramda izləyici sayı 6869, feysbukda 3120, yutubda isə 11340 nəfər olub.

Qeyd edək ki, Qədr gecəsi olmasına ehtimal olunan gecələr bu il 12, 14 və 16 may tarixlərinə təsadüf edir.

“Qafqazinfo”nun fotoqrafı Pərvin Zeynalın bugecəki onlayn mərasimdən çəkdiyi fotoları təqdim edirik: