Azərbaycanda ictimai iaşə müəssisələri 09.00-dan 15.00-dək işləyəcək - Operativ qərargah

Koronavirus infeksiyasının yayılmasının qarşısının alınması istiqamətində  görülən tədbirlər davam etdirilir.

Ahlibeyt.az-ın verdiyi xəbərə görə, bu barədə Nazirlər Kabineti yanında operativ qərargahın məlumatında bildirilib.

Məlumata əsasən növbəti addım kimi Azərbaycan Respublikası ərazisində  fəaliyyət göstərən kafe, restoran, çayxana, internet klubları və adamların toplaşdığı başqa ictimai-iaşə müəssisələrinin iş müddəti martın 22-dən başlayaraq səhər saat 09.00-dan 15.00-dək müəyyən edilir.

İctimai iaşə müəssisələri saat 21.00-dək onlayn sifarişlər əsasında məhsullarını ünvanlara çatdıra və vətəndaşlara evə götürmək üçün qida sata bilərlər.