Fevralın 8-də Qax şəhərində Qax şəhər məscidi dini icmasının həyata keçirdiyi “Mədəniyyət və din” adlı layihə çərçivəsində “Mədəni-dini abidələrimiz” adlı növbəti tədbir keçirilib.

Ahlibeyt.az-ın DQİDK mətbuat xidmətinə istinadən məlumatına görə,Tədbirdə Qax şəhər məscidi dini icmasının sədri Hacı Əsgərov, Dini Qurumlarla İş üzrə Dövlət Komitəsinin(DQİDK) Zaqatala bölgəsi üzrə şöbəsinin baş məsləhətçisi Tərlan Nəzərov, Qax rayonu Mədəniyyət evinin rəhbərliyi və mədəniyyət işçiləri iştirak ediblər.

Tədbiri giriş sözü ilə açan dini icmanın sədri Hacı Əsgərov milli-mənəvi dəyərlərimiz haqqında tədbir iştirakçılarını məlumatlandırıb. Onu da bildirib ki, tədbir Azərbaycan Respublikasının Prezidenti İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün imzaladığı Sərəncama əsasən keçirilir.

DQİDK-nın Zaqatala bölgəsi üzrə şöbəsinin baş məsləhətçisi Tərlan Nəzərov çıxışında  mədəni-dini abidələrimiz haqqında ətraflı məlumat verib.

Dövlət Komitəsinin (DQİDK) sifarişi ilə çəkilən, Vətən uğrunda canından keçən qəhrəmanlarımızın xatirəsinə həsr olunan “Şəhadət” sənədli filmi nümayiş olunduqdan sonra tədbir iştirakçılarının sualları cavablandırılıb.