إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Azərbaycanda məscid və ziyarətgahlara giriş-çıxışa müvəqqəti qadağa qoyuldu

Azərbaycan ərazisində koronavirus təhlükəsinin qarşısının alınması məqsədi ilə bütün kütləvi tədbirlərin qadağan olunmasını nəzərə alaraq, məscid və ziyarətgahlara giriş-çıxışa və ibadətlərə müvəqqəti olaraq məhdudiyyət tətbiq olunub.

Ahlibeyt.az-ın məlumatına görə, qərar Qafqaz Müsəlmanları İdarəsinin Qazılar Şurası və səlahiyyətli nümayəndələrinin Azərbaycan Respublikası Nazirlər Kabineti yanında operativ qərargahının qərarının müzakirəsinə həsr olunmuş 17 mart 2020-ci il tarixli birgə iclasında qəbul olunmuşdur.

Qərarda bildirilir:

Dindarların nəzərinə!
Əziz qardaş və bacılar!

Hal-hazırda bütün dünyada sürətlə yayılmaqda olan koronovirusun bilavasitə təmaslar vasitəsi ilə yoluxaraq insan həyatına ciddi təhlükə yaratmasını, Azərbaycan ərazisində bütün kütləvi tədbirlərin qadağan olunmasını nəzərə alaraq,onun qarşısını almaq məqsədilə məscid və ziyarətgahlara giriş-çıxışa və ibadətlərə müvəqqəti olaraq qadağa qoyulur.

Bu qərar Qafqaz Müsəlmanları İdarəsinin Qazılar Şurası və səlahiyyətli nümayəndələrinin Azərbaycan Respublikası Nazirlər Kabineti yanında operativ qərargahının qərarının müzakirəsinə həsr olunmuş 17 mart 2020-ci il tarixli birgə iclasında qəbul olunmuşdur.

Dindarlardan bu qərara əməl etmələri xahiş olunur.

 

Saytın materiallarından istifadə edərkən istinad vacibdir!
17 Mart, 2020  19:08 Çap

Bu bölmədə


© 2020 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com