21 fevral tarixindən etibarən "Mədəniyyət" kanalında "Haqqın dərgahı" verilişi ilahiyyatçı Hacı Şahin Həsənlinin təqdimatında yayımlanmağa başlamışdır.

Ahlibeyt.az-ın məlumatına görə, "Haqqın dərgahı" verlişi hər cümə axşamı günü saat 18:40-da(18:45) "Mədəniyyət" kanalında yayımlanacaq.

Cəmiyyət üçün aktual və maraqlı olan dini mövzulara toxunulan proqram artıq yeni formatda çəkiləcək.Verlişə qonaqların da dəvət olunması nəzərdə tutulub.

Verlişi internet üzərindən canlı yayımıda medeniyyet.az saytından, videoyazını isə Hacı Şahin Həsənlinin rəsmi YouTube kanalından izləmək mümkün olacaq.

Proqramın müəllifi Teymur Arifoğlu, rejissoru isə Sevda Abdullayevadır.

Qeyd edək ki, "Haqqın dərgahı" verlişi uzun illər şərqşünas alim,Qafqaz Müsəlmanları İdarəsinin Elmi-Dini Şuranın sədri akademik Vasim Məmmədəliyevin təqdimatında efirə yayımlanıb.