Filippində müsəlmanlarla bağlı tarixi referendumun ilkin nəticələri açıqlanıb

Filippinin  cənubunda  Moro müsəlmanlarının taleyini müəyyənləşdirəcək referendumda səslərin sayılması davam edir. İlkin nəticələrə görə, Cotobato və Isabella şəhərlərinin sakinlərinin «Bəli» səsi rekord həddi keçib.

Ahlibeyt.az-ın Faktxeber-ə istinadla verdiyi məlumata görə, Cobatoda 65 faiz, Tavi-Tavidə isə 80 faiz təsdiq səsi toplanıb.

Qeyd edək ki, yanvarın 21-cə Filippinin cənubunda Moro xalqından olan müsəlmanlara geniş muxtariyyət verilməsi ilə bağlı referendum keçirilib. Məlumata görə, Mandanao adasında və yaxınlıqdakı kiçik adalarda 3 milyona yaxın adam səsvermə hüququna malikdir.

Yanvarın 26-da açıqlanacaq nəticələrdən sonra ərazidə yeni Banqsamoro (Moro xalqı) Muxtar rayona yarana bilər. Belə olarsa hökumət iqtisadi, maliyyə, sosial, mədəni, təhsil sahələrində geniş səlahiyyətlərə malik olacaq. Həmçinin ərazidə şəriət məhkəmələri fəaliyyət göstərəcək.

Filippinin Mərkəzi hökuməti  isə müdafiə, təhlükəsizlik, xarici və maliyyə kredit siyasətinə nəzarət edəcək.

Muxtariyyətin yeni  administrasiyası tam olaraq 2022-ci ildə keçiriləcək seçkilərdən sonra qurulacaq. O vaxta qədər  hökumət Manila və Moro İslam Azadlı Cəbhəsi arasında sazişə uyğun olaraq keçid orqanının əlində olacaq.

Saziş tam olaraq 2017-ci ildə işlənib və imzalanıb. 2018-ci ilin may ayında  sənəd Filippin  Konqresi tərəfindən təsdiqlənib, iyul ayında isə  Rodriqo Duterte tərəfindən imzalanıb.