Azərbaycanda Aşura günü ilə əlaqədar Səhiyyə Nazirliyinin və Qafqaz Müsəlmanları İdarəsinin təşkilatçılığı ilə qana ehtiyacı olan xəstələrə yardım məqsədilə könüllü qanvermə aksiyası davam edir.

Ahlibeyt.az-ınTrend-ə istinadən məlumatına görə, bu münasibətilə Qafqaz Qafqaz Müsəlmanları İdarəsində də qanvermə aksiyası keçirilir.

Qanvermə aksiyasında Dini Qurumlarla İş üzrə Dövlət Komitəsinin sədri Mübariz Qurbanlı, Qafqaz Müsəlmanları İdarəsinin sədri Allahşükür Paşazadə, millət vəkilləri və digər din xadimləri də iştirak ediblər.

Azərbaycanda Aşura günü ilə əlaqədar Səhiyyə Nazirliyinin və Qafqaz Müsəlmanları İdarəsinin təşkilatçılığı ilə qana ehtiyacı olan xəstələrə yardım məqsədilə könüllü qanvermə aksiyasında 5089 nəfər iştirak edib.

Səhiyyə Nazirliyi Elmi Tədqiqat Hematologiya və Transfuziologiya İnstitutunun direktoru Zöhrə Əlimirzəyeva Trend-ə bildirib ki, indiyədək 2291 litr qan toplanıb.

Qeyd edək ki, aksiyalar respublika ərazisində yerləşən bir çox məscid və ziyarətgallarda təşkil olunmuş xüsusi məntəqələrdə keçirilib.