إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Öz canları bahasına uşaqları xilas edən müsəlmanlar ABŞ-da qəhrəmana çevrildilər - FOTO

Səudiyyə Ərəbistanından olan 2 gənc öz canlarından keçərək suda boğulan uşaqları xilas ediblər.

Ahlibeyt.az-ın məlumatına görə, İslamazeri.com-un “Islam Today”-ə istinadən verdiyi xəbərə əsasən, Səudiyyə Ərəbistanından olan 2 tələbə  öz canları bahasına çayda boğulan uşaqları xilas etmələri ilə ABŞ-da qəhrəmana çevriliblər.

Faciə müsəlmanlar üçün müqəddəs olan cümə günü - iyunun 29-u Teb əl-Yami (27 yaş) və Cazer əl-Raka (25 yaş) təlaş içərisində Çikopi çayının axının apardığı uşaqlarını səsləyən ananı görən zaman baş verib. Gənclər düşünmədən suya atılıblar.

Müsəlman cavanlar  uşaqları xilas edə biliblər, amma güclənmiş axın səbəbi ilə sudan çıxa bilməyiblər. Onların cəsədləri bir neçə gün xilasedicilər tərəfindən aşkarlanıb.

Məlum olub ki, Teb və Cazer qohumdurlar və ABŞ-da inşaat və mühəndislik üzrə təhsil alırdılar.

ABŞ Dövlət Departamenti qəhrəmancasına dünyalarını dəyişən müsəlmanların yaxınlarına başsağlığı verib. Rəsmi bəyanatda qeyd edilir ki, onların cəsurluğu xarici tələbələrdə olan bütün yaxşılıqların təcəssümüdür.

“ABŞ Teb əl-Yami və Cazer əl-Rakanın Massaçusetsdəki faciəvi ölümləri ilə bağlı olaraq onların ailə və dostlarına başsığlığı verir. Gənclər cəsuranə şəkildə uşaqları xilas edərkən, boğularaq həyatlarını itiriblər.”, - deyə bəyanatda deyilir.

 

Saytın materiallarından istifadə edərkən istinad vacibdir!
13 İyul, 2018  16:32 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!