• Azərbaycanda

Nikaha daxil olanların müayinəsi üçün məcburi olan xəstəliklərin siyahısının artırılması təklif edilir

Azərbaycanda nikaha daxil olmaq istəyənlərlə bağlı müayinəsi zəruri olan xəstəliklərinin sayının artırılması, hepatit B və hepatit C-nin də müayinəsi məcburi olan xəstəliklərin siyahısına daxil edilməsi təklif olunub.

Ahlibeyt.az-ın APA-ya istinadən verdiyi xəbərə görə, Milli Məclisin Səhiyyə komitəsinin bu gün keçirilən iclasında deputat Məlahət İbrahimqızı hepatit və xərçəng xəstəliklərinin artmasından narahatlığını bildirib, bununla bağlı uzun müddətdir müzakirəsi ləngiyən “Reproduktiv sağlamlıq haqqında” qanun layihəsinin bu sessiyada müzakirəyə çıxarılmasının vacibliyini qeyd edib.

Deputat Musa Quliyev isə bildirib ki, Ailə Məcəlləsinə dəyişikliklər etmək lazımdır. O qeyd edib ki, nikahdan əvvəl bir necə xəstəlik üzrə məcburi müayinələr həyata keçirilir: “Bunun olduqca gözəl nəticələri var. Təklif edirəm ki, hepatit B və hepatit C-ni də müayinə paketinə daxil etmək üçün Ailə Məcəlləsinə dəyişiklik edək”

Saytın materiallarından istifadə edərkən istinad vacibdir!

22 Yanvar, 2018 12:45 ⁄ Çap