إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

“Ərəb dilinin üslubiyyatı və nitq mədəniyyəti” adlı kitabın təqdimatı keçirilib

Misirin Azərbaycandakı Səfirliyinin Mədəniyyət və Təhsil Əlaqələri Mərkəzində “Ərəb dilinin üslubiyyatı və nitq mədəniyyəti” adlı kitabın təqdimatı mərasimi keçirilib. Kitabın müəllifi Bakı Dövlət Universitetinin Şərqşünaslıq fakültəsinin müəllimi, professor Nəsrulla Məmmədovdur.

Ahlibeyt.az-ın SalamNews-a İstinadən məlumatına görə, mərkəzinin rəhbəri Əhməd Sami Elaydi bildirib ki, kitab müasir ərəb dilinin tədrisində və nəzəri cəhətdən öyrənilməsində, müasir ərəb dilinin tədrisinin metodikasının dəqiqləşdirilməsində, tərcümə nəzəriyyəsi və praktikasında və ayrı-ayrı dillərin funksional-üslubi bölgüsünün aparılmasında faydalı ola bilər.

Təqdimat mərasimində AMEA Ədəbiyyat İnstitutunun Qədim dövr Azərbaycan ədəbiyyatı şöbəsinin müdiri, professor İmamverdi Həmidov, AMEA Əlyazmalar İnstitutunun ərəb əlyazmalarının tədqiqatı şöbəsinin müdiri, professor Kamandar Şərifov, Azərbaycan Dillər Universitetinin Ərəb dili müəllimi Ülviyyə  Hüseynova, BDU Ərəb filologiyası kafedrasının dosenti Könül Məmmədova  və BDU-nun Ərəb filologiyası kafedrasının baş müəllimi Fidan Rzayeva çıxış ediblər.


Saytın materiallarından istifadə edərkən istinad vacibdir!
21 Oktyabr, 2017  12:30 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!