İŞİD-ə dəstək nümayiş etdirən şəxslərin məhkəməsi başlayıb

Bakı Ağır Cinayətlər Məhkəməsində terrorçuluqda təqsirləndirilən Aydın Gülməmmədov və Əmrah İmanovun cinayət işi üzrə məhkəmə prosesi başlayıb. 

Ahlibeyt.az-ın Apa-ya istinadən məlumatına görə, hakim Səbuhi Hüseynovun sədrlik etdiyi iclasda dövlət ittihamçısı ittiham aktını elan edib.

İttihama əsasən, təqsirləndirilən şəxslər başqa şəxslərlə birlikdə İŞİD-də dəstək nümayiş etdiriblər. Onlar İŞİD-ə dəstək nümayiş etdirən video çəkərək internetə yerləşdirmək istəyiblər. Həmin şəxslərdən A. Gülməmmədov və Ə. İmanov saxlanılsa da, Zaur və Fuad adlı şəxslərin barələrində axtarış elan edilib. Bundan əlavə, Ağamirzə Quliyev adlı şəxs saxlanılan zaman polisə müqavimət göstərib və baş vermiş qarşıdurmada öldürülüb. 

Proses iyunun 22-də davam edəcək. 

A. Gülməmmədov və Ə. İmanov Cinayət Məcəlləsinin 214-(terrorçuluq) maddəsinə əsasən ittiham ediliblər.