Orta məktəbdə “Düşüncə tariximizdə elm və dinə münasibət” mövzusunda tədbir keçirilib - Foto

Mayın 17-də Dini Qurumlarla İş üzrə Dövlət Komitəsinin(DQİDK) Sumqayıt bölgəsi üzrə şöbəsinin təşkilatçılığı ilə Sumqayıt şəhər 27 nömrəli tam orta məktəbdə “Düşüncə tariximizdə elm və dinə münasibət” mövzusunda tədbir keçirilib.

Ahlibeyt.az-ın DQİDK mətbuat xidmətinə istinadən məlumatına görə,tədbirdə dövlət komitəsinin Sumqayıt bölgəsi üzrə şöbəsinin aparıcı məsləhətçisi Ülvi Məmmədov, məktəbin direktoru Valid Mustafayev, müəllim və şagirdlər iştirak ediblər.

Tədbiri giriş sözü ilə açan məktəbin direktoru Valid  Mustafayev Azərbaycanda İslam dininin yayılması və  bu dinin mədəniyyətimizin inkişafındakı rolundan bəhs  edib. Bildirib ki, sahib olduğumuz milli və dini dəyərlərimiz bizi daim elmli, təhsilli olmağa təşviq edib.

Sonra  çıxış edən DQİDK-nın Sumqayıt  bölgəsi üzrə şöbəsinin əməkdaşı Ülvi Məmmədov milli özünüdərkimizin formalaşmasında elmi və dini biliklərin əhəmiyyətindən söhbət açıb. Natiq fərdin və  cəmiyyətin inkişafı, yad, zərərli ideologiyalarla  mübarizə  sahəsində düşüncə  tariximizin yüksək səviyyədə öyrənilməsi və təhsilə önəm verilməsinin vacibliyini vurğulayıb.

Çıxışlardan sonra DQİDK-nın sifarişi ilə  çəkilən “Fitnə” filmi nümayiş  etdirilib.