"Məbəs günü peyğəmbərə ilk vəhyin nazil olduğu, yəni dinimizin mövlud günüdür. Bəzən biz məsumların mövlud gününü qeyd edirik. Məbəs günü isə İslamın mövlud günüdür. Bu bəşər tarixində ən əzəmətli hadisələrdən biridir".

Ahlibeyt.az-ın verdiyi xəbərə görə,bunu SalamNews-a açıqlamasında ilahiyyatçı alim Hacı Şahin Həsənli deyib.

Onun sözlərinə görə, Məbəs günü islami baxımdan fəzilətli bir gündür: "İl ərzində oruc tutmaq üçün 4 mühüm gün var. O günlərdən biri də Məbəs günüdür. Hədislərdə buyurulur ki, bu günün orucu 70 ilin orucuna bərabərdir. Buna görə də, imkanı olanlar bu günü oruc tuta bilər".

İlahiyyatçı, həmçinin bütün dünya müsəlmanlarını, o cümlədən Azərbaycan xalqını Məbəs bayramı münasibəti ilə təbrik edib.

Qeyd edək ki, bu il Rəcəb ayının 27-si aprelin 25-nə təsadüf edir. Bu tarix İslamda ən müqəddəs günlərdən biri hesab olunur. Məbəs günü Həzrət Məhəmməd (s) peyğəmbərə ilk ayələrin nazil olduğu və Onun Peyğəmbərliyə seçildiyi gündür.