“Bəzi radikal dini qruplar dini təhrif edərək, yanlış fomada insanlara çatdırmaqla onları səhv yola çəkmək istəyirlər”.

Ahlibeyt.az-ın “Report”-a istinadən verdiyi xəbərə görə, bunu Dini Qrumlarla İş üzrə Dövlət Komitəsinin sədri Mübariz Qurbanlı Bakıda keçirilən “Kitab nəşri və rəqəmsal inqilab: rəqəmsal nəşriyyat sənayesinə doğru istiqaətlər, proseslər və praktiki addımlar” mövzusunda beynəlxalq seminarda deyib.

O bildirib ki, həmin radikal qruplar bu sahədəki fəaliyyətlərində elektron nəşr formalarından da istifadə edirlər: “Radikal dini qruplar təhrif olunmuş dini yazıları yaymaq üçün elektron vasitələrdən də istifadə edirlər. Ona görə bu prosesləri diqqətdə saxlayırıq. Ümumiyyətlə, Azərbaycana daxil olan bütün dini resurslar yoxlanılır”.

Seminarda çıxış edən Milli Məclisn İctimai birliklər və dini qurumlar komitəsinin sədri Siyavuş Novruzov isə vurğulayıb ki, elektron nəşrlərin yaranması inkişafı situmllaşdırmaqla yanaşı, plagiatlığın daha da artması problemini də ortaya çıxarır: "Buna qarşı mübarizə aparmaq vacibdir".