Qax “Şəhər” məscidi dini icması maarifləndirmə tədbiri keçirib

Qax rayonunda Qax “ Şəhər” məscidi dini icmasının dini maarifləndirmə və milli-mənəvi dəyərlərin təbliği işinin daha da gücləndirilməsi məqsədilə həyata keçirdiyi “İslamda  birgəyaşayış  ənənəsi” adlı layihənin “Milli-mənəvi dəyərlərimizdə vəhdət prinsipi” adlı maarifləndirmə tədbiri  keçirilib.

Ahlibeyt.az-ın Dini Komitənin mətbuat xidmətinə istinadən məlumatına görə,tədbirdə Dini Qurumlarla İş üzrə Dövlət Komitəsinin  Zaqatala bölgəsi üzrə şöbəsinin əməkdaşı Tərlan Nəzərov, QMİ-nin rayon üzrə səlahiyyətli nümayəndəsi, eyni zamanda  Qax “ Şəhər” məscidi dini icmasının sədri Hacı Əsgərov və dindarlar iştirak ediblər.

Tədbiri giriş sözü ilə  Qax “Şəhər” məscidi dini icmasının sədri Hacı Əsgərov açaraq milli-mənəvi dəyərlərimiz, birgəyaşayış mühiti haqqında geniş məlumat verərək milli-mənəvi dəyərlərimizin tarixən necə formalaşdığı, dinimizin vəhdət və bir olmaq anlayışlarına hansı prizmadan baxması və bu prinsiplərin  nə dərəcədə həyatımızda əks olunmasından ətraflı şəkildə danışıb.

Dini Qurumlarla İş üzrə Dövlət Komitəsinin  Zaqatala bölgəsi üzrə şöbəsinin əməkdaşı Tərlan Nəzərov çıxışında Azərbaycan xalqının milli-mənəvi dəyərləri haqqında danışıb və bu dəyərlərin insanlar arasında vəhdəti necə formalaşdırdığını, həmçinin milli-mənəvi dəyərlərimizin qorunub-saxlanılmasının əhəmiyyətli olduğunu  vurğulayıb.

Tədbirin sonunda  iştirakçıları maraqlandıran suallar cavablandırılıb.

Qeyd edək ki, bu layihə tədbirləri  27 noyabr 2014-cü il tarixində cənab prezident İlham Əliyevin ölkədə dini maarifləndirmə və milli-mənəvi dəyərlərin təbliği işinin daha da gücləndirilməsi məqsədilə dini  icmalara maliyə yardımı göstərmək  üçün  imzaladığı Sərəncama uyğun olaraq Dini Qurumlarla İş üzrə Dövlət Komitəsinin  dəstəyi ilə  həyata keçirilib.