"Ailə TV"-nin İPTV xidmətində "İnterAZ" televiziya kanalının yayımı bərpa olunub.

Ahlibeyt.az-ın verdiyi xəbərə görə,bu barədə İnterazTv.com məlumat yayıb.

Dünya azərbaycanlılarının kanalı olan "İnterAZ" ölkəmizin sərhədlərindən kənarda fəaliyyət göstərən ilk Azərbaycan televiziyasıdır. Telekanalın məqsədi tamaşaçılarına, əsasən, azərbaycançılığı, Azərbaycan dilini, mədəniyyətini, milli-mənəvi dəyərlərini, adət-ənənələrini təbliğ etməkdən ibarətdir.

Qeyd edək ki, "Ailə TV"-nin İPTV xidmətində 200-dək telekanal yayımlanır. Bu kanallardan 12-si yerli, qalanları isə Türkiyə, Rusiya və digər ölkələrin ən baxımlı kanallarıdır. Kanalların tam siyahısı ilə Aile.tv saytından tanış olmaq mümkündür.

"Ailə TV"-nin İPTV xidmətinə qoşulmaq üçün sadəcə "Ailə TV Player" cihazı əldə etmək kifayətdir. "Ailə TV"-dən əldə edə biləcəyiniz bu cihaz vasitəsilə kanalımızı dünyanın istənilən yerindən izləmək imkanınız olacaq.