"Dağlıq Qarabağ münaqişəsinin həlli ilə bağlı kimlərinsə müxtəlif mənalar ifadə edən fikirlərini deyil, daha çox real hərəkət gözləyirik".

Ahlibeyt.az-ın Salamnwes-a istinadən verdiyi xəbərə görə, bunu Milli Məclisin sədr müavini, İnsan hüquqları komitəsinin sədri Bahar Muradova deyib.

Bahar Muradova qeyd edib ki, Rusiyanın xarici işlər naziri Sergey Lavrov bugünkü vəziyyətə adekvat mövqe sərgiləməli idi. "Rusiyanın Dağlıq Qarabağ məsələsinin həlli ilə bağlı geniş imkanları var. Rusiya Azərbaycana dost-tərəfdaş ölkədir. Hesab edirəm ki, Azərbaycanın xarici işlər naziri Elmar Məmmədyarov bununla bağlı mövqeyini ifadə edib".

Qeyd edək ki, Rusiyanın xarici işlər naziri Sergey Lavrov bir neçə gün öncə açıqlamasında Dağlıq Qarabağ məsələsinin Azərbaycanın daxili işi olmadığını bildirib.