Məşhəd şəhərində  İmam Rzanın (ə) pak hərəmini ziyarət edən Roksana Elena Neqra adlı italiyalı xanım İslam dini barədə apardığı araşdırmalardan sonra, səmavi dini öz yeni dini kimi seçib.

Ahlibeyt.az-ın müqəddəs hərəmin rəsmi saytına istinadən verdiyi xəbərə görə, İslam dinini qəbul edən İtaliyalı xanım AstanNews müxbirinə bildirib:

"Mən psixologiya fakültəsinin tələbəsiyəm və Allaha daha yaxın olmaq və hüzura yetişmək, eləcə də xəstələrimin müalicəsi üçün araşdırma aparırdım  və İslam dininin bütün bu xüsusiyyətlərə malik olduğunu qənaətinə gəldim".

Roksana Elena Neqra müsahibəsinin davamında qeyd  edib: "Mən İmam Rzanın pak hərəmini ilk dəfədir ki,ziyarət edirəm və bu anlar mənim üçün unudulmaz bir hadisədir. Mən İslamı dərk etmək üçün Quranı oxudum. Hazırda "Nəhcül Bəlağə" və digər hədis kitablarını oxuyuram, çünki bu kitablar məni  bu dinin təməllərinə tərəf yönəldir. Yeni müsəlman olanlar üçün ən gözəl yol,  İslamla bağlı kitab oxumalarıdır, çünki bu iş onları İslam dininin həqiqətlərinə yönəldəcəkdir".

İtalyalı xanım açıqlamasının davamında buyurur: "Əhli Beytlə (ə)  tanış olmaq, insanın İslam dini istiqamətində addım atması və bu dinin  təlimləri ilə tanış olması üçün zəmin yaradır".

Qüds Rəzəvi ostanının xarici zəvvar işləri idarəsi tərəfindən yenicə müsəlman olmuş italiyalı xanım Roksana Elena Neqraya İmam Rza(ə) hərəminə aid açıqça və digər hədiyyələr təqdim edilib.