Bakıda Həzrət Məhəmməd peyğəmbərin(s) mövlud günü qeyd olunacaq

Bakıda "Heydər" məscidində Həzrət Məhəmməd peyğəmbərin (s) mövlud günü qeyd olunacaq.

Ahlibeyt.az-ın verdiyi xəbərə görə, bu barədə Salamnews-a "Heydər" Məscidi Kompleksi İdarəsindən bildirilib.

Bu il dekabrın 12-17-si (hicri qəməri 12-17 rəbiüləvvəl) Həzrət Məhəmməd(s) peyğəmbərin mövlud həftəsidir.

Bu münasibətlə dekabrın 14-də saat 19.00-da "Heydər" məscidində mövlud tədbiri keçiriləcək. Tədbirdə məscidin rəhbərliyi tərəfindən Məhəmməd peyğəmbərin (s) həyatı haqqında söhbətlər olacaq. Mərasimdə peyğəmbərin şərəfinə ilahilər səsləndiriləcək.

Tədbirə qatılanlara "Heydər" məscidi tərəfindən tərtib olunmuş Məhəmməd peyğəmbərin (s) həyatından bəhs edən kitab da təqdim olunacaq. İstəyən hər kəs mövlud tədbirinə qatıla bilər.