Bakıda Aşura mərasimləri ilə əlaqədar təhlükəsizlik tədbirləri həyata keçiriləcək

Oktyabrın 12-i Aşura günü ilə bağlı paytaxtda ictimai qaydanın qorunması və ictimai təhlükəsizliyin təmini ilə əlaqədar Bakı Şəhər Baş Polis İdarəsində tədbirlər planı hazırlanıb.

Ahlibeyt.az-ın məlumatına görə,bu barədə Salamnews-a Bakı şəhər Baş Polis İdarəsindən bidirilib.

Tədbirlər planına uyğun olaraq, Aşura günü ictimai asayişin qorunması məqsədi ilə oktyabrın 12-i paytaxt polisi gücləndirilmiş iş rejimində çalışacaq, ictimai asayiş lazımi şəkildə təmin ediləcək.

Dini mərasimlərin keçiriləcəyi yerlərdə hüquq normalarının pozulmasının qarşısını almaq məqsədilə polis naryadlarının sayı artırılacaq. Müəyyən edilmiş yerlərdən başqa ərazilərdə mərasimlərin, küçə yürüşlərinin keçirilməsinə qətiyyətlə imkan verilməyəcək.

Bakı şəhər Dövlət Yol Polisi İdarəsindən bildirilib ki, oktyabrın 12-də yol polisi də gücləndirilmiş iş rejimində çalışacaq. Mərasimlərin keçiriləcəyi yerlərdə və ətraf ərazilərdə yol hərəkəti təhlükəsizliyini təmin etmək məqsədilə Dövlət Yol Polisi tərəfindən lazımı qüvvələr ayrılıb.