Bu il Bakı İslam Universitetinə (BİU) ayrılan plan yerlərinin 77 faizi dolub.

Ahlibeyt.az-ın verdiyi xəbərə görə,bu barədə SalamNews-a məlumat verən universitetin kafedra müdiri Elvin Talışınski bildirib ki, bu il BİU-a ayrılan 120 nəfərlik plan yerinə 95 nəfər qəbul olunub.

Onun sözlərinə görə, universitetə qəbul olanların 60 faizi oğlan, 40 faizi qızlardır. Ümumiyyətlə isə bu il universiteti 78 məzun bitirib ki, onların da arasında oğlanlar üstünlük təşkil edir.

Elvin Talışınskinin sözlərinə görə, məzunların işlə təmin olunmasında Qafqaz Müsəlmanları İdarəsi yaxından iştirak edir. Universiteti bitirənlər, həmçinin MDB məkanında fəaliyyət göstərən diaspora təşkilatlarında, diplomatik nümayəndəliklərdə, eləcə də müxtəlif Xeyriyyə Fondlarında çalışırlar.

Qeyd edək ki, 2009-cu ildə Təhsil Nazirliyi Bakı İslam Universitetinin fəaliyyətinə xüsusi razılıq (lisenziya) verib. Həmin razılığa əsasən, Universitetdə bakalavr səviyyəsində Dinşünaslıq ixtisası, magistratura səviyyəsində isə Dinlərin tarixi və İslamşünaslıq ixtisaslaşmaları üzrə kadr hazırlığı aparılır.