• Azərbaycanda

Xaçmaz rayonu Köhnə Xudat kənd məscidində dini maarifləndirmə tədbiri keçirilib

İyulun 1-də Dini Qurumlarla İş üzrə Dövlət Komitəsinin Quba bölgəsi üzrə şöbəsinin təşəbbüsü ilə Xaçmaz rayonu Köhnə Xudat kənd məscidində “Dini radikalizm və onun təzahür formaları” mövzusunda tədbir keçirilib.

Ahlibeyt.az-ın verdiyi xəbərə görə,bu barədə Dini komitənin mətbuat xidməti məlumat yayıb.

Tədbirdə DQİDK-nın Quba bölgəsi üzrə şöbəsinin müdiri Eynulla Nurullayev, QMİ-nin Xaçmaz rayonu üzrə səlahiyyətli nümayəndəsi Məzahir Yəhyayev, dindarlar, ağsaqallar və gənclər iştirak ediblər.

DQİDK-nın Quba bölgəsi üzrə şöbəsinin müdiri E. Nurullayev qeyd edib ki, müasir dövrümüzdə dini radikalizm dünya miqyasında narahatlığa səbəb olan problemlərdən biridir. Əsl dindarın təvazökar, sülhpərvər, Vətənini və xalqını sevən humanist insan olmalı olduğunu bildirən şöbə müdiri dindarları və gəncləri radikalizmdən uzaq durmağa çağırıb.

QMİ-nin Xaçmaz rayonu üzrə səlahiyyətli nümayəndəsi Məzahir Yəhyayev radikal təriqətlərin dinin mahiyyətinə uyğun gəlmədiyini qeyd edərək, onların din pərdəsi altında gizlənərək bəşəriyyətə təlatümlər gətirdiyini vurğulayıb.

Sonda tədbir iştirakçılarının sualları cavablandırılıb.

Saytın materiallarından istifadə edərkən istinad vacibdir!

2 İyul, 2016 11:03 ⁄ Çap