Dini ekstremizm əleyhinə xüsusi əməliyyatlar zamanı elektrik enerjisi və qazın verilməsi dayandırılacaq

Ahlibeyt.az-ın Apa-ya istinadən məlumatına görə, Nazirlər Kabinet “Elektrik enerjisindən istifadə Qaydaları”nda dəyişiklik edib.

Dəyişikliyə əsasən istehlakçılara elektrik enerjisinin verilişinin dayandırılması şərtləri artırılıb.

Bundan sonra dini ekstremizm əleyhinə xüsusi əməliyyat aparıldıqda, dini ekstremizm əleyhinə xüsusi əməliyyatlar aparan orqanların Daxili İşlər Nazirliyinin və Dövlət Təhlükəsizliyi Xidmətinin göstərişləri əsasında enerji təchizatı müəssisəsi istehlakçıya elektrik enerjisinin verilməsini dayandıracaq.

Qeyd edək ki, bundan əvvəl Nazirlər Kabineti 26 fevral 2016-cı il tarixli qərarı ilə “Qaz paylayıcıları tərəfindən qaz təchizatının ümumi şərtlərini təyin edən Qaydaları”nda dəyişiklik edib. Dəyişikliyə əsasən Azərbaycanda dini ekstremizm əleyhinə xüsusi əməliyyatlar zamanı qazın verilməsi də dayandırılacaq.