Misirli alimlər: “Əl Əzhər” İslam mərkəzi Səudiyyənin təsirilə İŞİD-in yaranmasına şərik oldu

Misirli alim, yazar və şairlər “Əl Əzhər” universitetinə etirazını bildiriblər.

Ahlibeyt.az-ın İslamazri-yə istinadən məlumatına görə,Misirli ziyalılar “Əl Əzhər” islam mərkəzinə ünvanlanan məktubda, bu universitetin təhsil proqramını tənqid etməyin islamı tənqid etmək anlamına gəlməyinin yalnış olduğunu bildiriblər.

Müraciətdə “Əl Əzhər” tərəfindən tənqidə dözümsüz yanaşılma tənqid olunub:  “Bu universitet özünü islam və asimani din kimi təqdim etməməlidir. Bu universitetin tarix boyu parlaq və uğursuz dönəmləri olmuşdur. Hazırda “Əl Əzhər”-in uğursuz dönəmidir. Universitet səbirli olmalı və digərlərinin düşüncələrini və tənqidlərini qəbul etməlidir.”

Məktubda universitetin Səudiyyənin təsirinə düşüməsinin böyük problemlər yaratdığı da ifadə olunub.