• Azərbaycanda

Türkan qəsəbəsi “İmam Hüseyn”məscidi dini icması “İslamda ailə dəyərləri” layihəsi çərçivəsində maarifləndirici tədbir keçirib(Foto)

Martın 4-də Dini Qurumlarla İş üzrə Dövlət Komitəsinin dəstəyi ilə Bakı şəhəri Xəzər rayonu Türkan qəsəbəsi “İmam Hüseyn” məscidi dini icması tərəfindən “İslamda ailə dəyərləri” layihəsi çərçivəsində maarifləndirici tədbir keçirilib.

Ahlibeyt.az-ın Dini Komitənin mətbuat xidmətinə istinadən məlumatına görə, tədbirdə Türkan qəsəbəsi “İmam Hüseyn” məscidi dini icmasının sədri Rasim Kazımov, DQİDK Bakı şəhəri üzrə şöbəsinin müdir müavini Ceyhun Əliyev, şöbənin əməkdaşı Novruz Nuriyev, Xəzər Rayon İcra Hakimiyyətinin İctimai-siyasi və humanitar məsələlər üzrə şöbəsinin müdir müavini - dini qurumlarla işin təşkilatçısı Rövşən Quliyev,məscid dindarları, ziyalılar və gənclər iştirak ediblər.

Tədbirdə çıxış edən DQİDK-nın Bakı şəhəri üzrə şöbəsinin müdir müavini Ceyhun Əliyev İslamda ailə institutu və cəmiyyətimizin milli-mənəvi dəyərlərə əsaslanan ailə prinsiplərindən, dini ekstremizmin ailələrdə və ümumilikdə qlobal cəmiyyətdə törətdiyi münaqişə və fəsadlardan söhbət açıb.

Daha sonra Türkan qəsəbəsi “İmam Hüseyn” məscidi dini icmasının sədri Rasim Kazımov, məscidin axundu Miralim Ağayev və dindarlar mövzu ilə bağlı fikirlərini bildiriblər.