Azərbaycan İslam İnkişaf Bankı ilə İslam bankçılığı alətlərinin ölkəmizdə tətbiq olunmasını müzakirə edib.

Ahlibeyt.az-ın verdiyi xəbərə görə, "APA-Economics"in məlumatında qeyd olunur ki, bu barədə jurnalistlərə iqtisadiyyat nazirinin müavini Sahil Babayev bildirib.

Onun sözlərinə görə, İslam İnkişaf Bankı Azərbaycan bankları tərəfindən İslam bankçılığının müəyyən alətlərinin tətbiqi ilə bağlı texniki yardım göstərəcək: "Artıq layihənin ümumi parametrləri nəzərə alınıb. Düşünürük ki, İslam İnkişaf Bankı və bu sahədə təcrübəsi olan mütəxəssisləri cəlb etməklə, onun Azərbaycanda prinsiplərini, tətbiqetmə imkanlarını araşdıraraq bu istiqamətində addımlar ata bilərik".