XİN Azərbaycanın Suriya böhranı ilə bağlı mövqeyini açıqlayıb

Azərbaycan Xarici İşlər Nazirliyi Azərbaycanın Suriya böhranı ilə bağlı mövqeyini açıqlayıb.

Ahlibeyt.az-ın  məlumatına görə, Nazirliyin mətbuat xidmətinin rəhbəri Hikmət Hacıyev mətbuata açıqlama verərək bildirib ki, Azərbaycan prezidenti İlham Əliyev fevralın 4-də Londonda “Suriyaya və regiona dəstək” adı altında keçirilmiş konfransda çıxış edərək Suriya böhranı ilə bağlı Azərbaycanın mövqeyini və yaşanan humanitar fəlakətin aradan qaldırılması ilə əlaqədar ölkənin təcrübəsini beynəlxalq ictimaiyyətin diqqətinə çatdırıb.

XİN rəsmisi bildirib:“Biz ən əsası, bölgədə sülh və atəşkəsin bərqərar olması və Suriya xalqının iradəsinə uyğun olaraq böhranın siyasi həllinin tapılmasının tərəfdarıyıq".