|
Mingəçevirdə dini icmalar və din xadimləri ilə görüş keçirilibDini Qurumlarla İş üzrə Dövlət Komitəsinin (DQİDK) Yevlax bölgəsi üzrə şöbəsi və Mingəçevir şəhər İcra Hakimiyyətinin birgə təşkilatçılığı ilə dövlət qeydiyyatından keçərək şəhər ərazisində fəaliyyət göstərən dini icmalar və din xadimləri ilə görüş keçirilib. Ahlibeyt.az-ın Komitənin mətbuat xidmətinə istinadən verdiyi məlumata görə, görüşdə DQİDK-nın Yevlax bölgəsi üzrə şöbəsinin müdiri Natiq Əfəndiyev, şöbənin əməkdaşları və Mingəçevir şəhər İH-nin məsul əməkdaşı Sahib Əliyev də iştirak edib. Görüş zamanı Mingəçevir şəhərindəki mövcud dini durum, dini icmaların və din xadimlərinin fəaliyyətlərinin aktivləşdirilməsi istiqamətində geniş müzakirələr aparılıb. Eyni zamanda, dini radikalizm və ekstremizmə qarşı mübarizə, milli-mənəvi dəyərlərimizin təbliği istiqamətində dini icmaların və din xadimlərinin üzərinə düşən vəzifələr haqqında qarşılıqlı fikir mübadiləsi aparılıb. Qeyd edək ki, Mingəçevir şəhəri ərazisində 3 məscid (Mingəçevir şəhər “Heydər” məscidi, Mingəçevir şəhər “Fatimeyi Zəhra” məscidi və Mingəçevir şəhər Mingəçevir kənd “Cümə” məscidi) mövcuddur. Bu məscidlərin hər birində Dini Qurumlarla İş üzrə Dövlət Komitəsində dövlət qeydiyyatından keçmiş dini icmalar fəaliyyət göstərir. Bu dini icmalardan 2-si (Mingəçevir şəhər “Heydər” məscidi və Mingəçevir kənd “Cümə” məscidi dini icmaları təkrar, 1-i (Mingəçevir şəhəri “Zəhra” məscidi dini icması) isə ilk dəfə dövlət qeydiyyatından keçib.
Saytın materiallarından istifadə edərkən istinad vacibdir!
8 Yanvar, 2016 11:47 ⁄ Çap
Bu bölmədə9 Aprel, 2024 Ramazan Bayramınız Mübarək8 Aprel, 2024 Medianın İnkişafı Agentliyi və Dövlət Təhlükəsizliyi Xidməti vətəndaşları əsassız informasiyalara inanmamağa çağırıb8 Aprel, 2024 Ramazan bayramının namaz vaxtı açıqlanıb |
Xəbər lenti
8 Aprel, 2024 18:25
8 Aprel, 2024 18:04
|
© 2024 .Bütün hüquqlar qorunub. Saytın materiallarından istifadə edərkən istinad vacibdir! |