"Heydər" məscidində ilk dəfə olaraq camaat namazı qılınıb(Fotolent)

Bu gün Bakıdakı "Heydər" Məscidində prezident Heydər Əliyevin vəfatının növbəti ildönümü ilə əlaqədar anım mərasimi keçirilib

Ahlibeyt.az-ın  Apa-ya istinadən məlumatına görə, mərasim zamanı Heydər məscidində ilk dəfə olaraq camaat namazı qılınıb, Heydər Əliyevin ruhuna dualar oxunub.

Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə Heydər məscidində ilk dəfə xütbə oxuyub. Şeyxülislam bütün şəhidlərə Allahdan rəhmət diləyib. O bildirib ki, bundan sonra tanınmış dindarlar Heydər məscidində xütbə oxuyacaqlar. A. Paşazadə qeyd edib ki, Yaxın Şərq regionunda Heydər Məscidi qədər əzəmətli məscid yoxdur.

Daha sonra şeyxülislam Heydər Əliyevlə bağlı xatirələrini bölüşüb: Biz Heydər Əliyevlə Məkkədə olarkən mənə dedi ki, hər zaman buranı ziyarət etmək arzusunda olub.

O,qeyd edib ki, Heydər Əliyev Azərbaycan dövlətçiliyinin bünövrəsini qoydu. Onun yaratdığı dövlət bu gün dünyada tanınır. Allah Heydər Əliyevə rəhmət eləsin!”

A. Paşazadə “Günəşli” platformasında həyatını itirən vətəndaşlara da rəhmət diləyib.