“Son illərdə bəzi Qərb dairələrində islamın terrorla əlaqələndirilməsi düzgün deyil - İslam sülh dinidir”

Ahlibeyt.az-ın məlumatına görə, bunu bu gün Bakıda keçirilən ISESCO Baş Konfransının XII sessiyasında çıxışı zamanı Azərbaycan prezidenti İlham Əliyev bildirib.

Dövlət başçısı qeyd edib ki, Azərbaycan islamafobiya ilə mübarizə aparır: “Azərbaycan xaricdə islam mədəniyyətinin təbliğinə böyük önəm verir. Azərbaycan dinlər və mədəniyyətlər arası əlaqələrin möhkəmlənməsinə xidmət edir. Azərbaycan islam həmrəylinin gücləndirilməsi, islam dəyərlərinin təbliği istiqamətində dünyada fəal iş aparır. Biz fəxr edirik ki, dünyanın ən qədim məscidlərindən biri olan Şamaxı məscidi Azərbaycanda yerləşir”.

Prezident İlham Əliyev bildirib ki, ISESCO-nun fəaliyyət dairəsinə daxil olan sahələr Azərbaycanda inkişaf edir: “Azərbaycanda elm, təhsil və mədəniyyət sahələrində böyük layihələr həyata keçirilir”.