Artıq bir müddətdir ki, “Space” telekanalının efirində tanınmış şərqşünas Seyyid Camal Əzimbəylinin ideya müəllifi və aparıcısı olduğu “İnam” verilişi yayımlanır.

Ahlibeyt.az-ın məlumatına görə,Seyyid Camal Əzimbəyli Salamnews-a açıqlamasında deyib ki, bir ay müddətində efirə çıxmağına baxmayaraq, veriliş artıq bir çox dindarların diqqət mərkəzinə düşüb və maraqla izlənilir. Veriliş həmçinin ölkənin dini cameəsində və maariflənmə istiqamətində də ciddi uğurlar əldə edib. Bunu nəzərə alan telekanal rəhbərliyi verilişin həm efir vaxtında, həm da davamlılığında müvafiq dəyişikliklər edib.

O deyib ki, artıq bu həftədən başlayaraq “İnam” verilişi hər cümə günü saat 17:30-dan etibarən 2 saat ərzində tamaşaçıların xidmətində olacaq.