QMİ sədri Gəncədə dindarlara qarşı olan əməliyyatdan danışdı

"Gəncədə baş verənləri şişirtmək lazım deyil. Bunu siyasiləşdirmək lazım deyil".

Ahlibeyt.az-ın AnsPress-ə istinadən məlumatına görə,bunu Aşura günü ilə əlaqədar Təzəpir məscidində keçirilən qanvermə aksiyasına qatılan Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə deyib. O, ötən gün Gəncə şəhərində bir neçə dindarın saxlanması ilə nətiələnən də məsələyə münasibət bildirib.

Şeyx bu məsələdə hər hansı siyasi məsələdən söhbət gedə bilməyəcəyini deyib. "İmamzadədə abadlıq işləri görülür. Heç kim məscidi bağlamayıb".

Hacı Allahşükür Paşazadə qanvermə aksiyasında

Xatırladaq ki, bu gün Hicri-Qəməri təqvimi ilə Məhərrəm ayının 10-cu günü - Aşuradır.

Hicri-qəməri tarixi ilə 61-ci il Məhərrəm ayının 10-da (miladi təqvimi ilə 10 oktyabr 680–ci il) Məhəmməd Peyğəmbərin (s) nəvəsi, İmam Əlinin (ə) oğlu İmam Hüseyn (ə) İraqın Kərbəla çölündə 71 tərəfdarı ilə birlikdə şəhid olub, Yezid ibn Müaviyyənin 30 minlik ordusu tərəfindən qətlə yetirilib. İmam Hüseynin (ə) əhli-əyalı isə Yezidin qoşunu tərəfindən əsir alınaraq Şam şəhərinə sürgün edilib.

Aşura ilə bağlı olaraq bu gün ölkə ərazisində qanvermə aksiyaları keçirilib. Aksiyalara aşağıdakı ünvanlarda keçirilir.

1. Yasamal rayonu Təzəpir məscidi;
2. Yasamal rayonu Hacı Soltanəli məscidi;
3. Səbail rayonu Bibi-Heybət məscidi;
4. Səbail rayonu İçərişəhər Cümə məscidi;
5. Suraxanı rayonu Qaraçuxur məscidi;
6. Xəzər rayonu “Mir Mövsüm ağa” məscidi;
7. Nizami rayonu Keşlə qəsəbə məscidi;
8. Sumqayıt şəhər “Cümə” məscidi;
9. Gəncə şəhər “İmamzadə” məscidi;
10. Mingəçevir şəhər “Heydər” məscidi;
11. Şəki şəhər “Cümə” məscidi;
12. Lənkəran şəhəri Böyükbazar məscidi;
13. Bərdə şəhər “Cümə” məscidi;
14. Nəsimi rayonu Əjdərbəy məscidi.