Ramzan Kadırov Vladimir Putindən Suriyaya könüllü çeçen birləşmələri göndərilməsini xahiş edib

Çeçenistan lideri Ramzan Kadırov İŞİD terror qruplaşmasına qarşı mübarizə aparmaq üçün Rusiya prezidenti Vladimir Putindən Suriyaya könüllü çeçen birləşmələri göndərilməsini xahiş edib.

Ahlibeyt.az-ın Anspress-ə istinadən məlumatına görə, Kadırov artıq İŞİD-ə qarşı döyüşmək üçün çeçen hərbi qüvvələrinin hazır olduğunu bildirib.

“Mən sadəcə bunu demirəm. Mən bir müsəlman, çeçen və Rusiya vətənpərvəri kimi bildirirəm ki, 1999-cu ildə respublika bu şeytanların əlinə keçəndə, biz Qurana and içdik ki, yerlərindən asılı olmayaraq, həyatımızın sonunacan onlara qarşı mübarizə aparacağıq. Mən xahiş edirəm ki, bizə ora gedərək bu əməliyyatda iştirak etməyə icazə versinlər,”


Çeçenistan lideri Ramzan Kadırov.

Çeçenistan liderinin fikrincə, “Suriyadakı terrorçular” çeçen əsgərlərin gəldiyindən xəbər tutduqda, oranı tərk edəcəklər. Kadırov əlavə edib ki, qərar ölkə prezidenti və ali baş komandan Vladimir Putin tərəfindən verilməlidir.

“Biz onları tanıyırıq, onları burda da məhv etmişik, biz onlarla vuruşmuşuq və onlarda bizi tanıyırlar. Əgər Çeçenistan hərbçilərinin Suriyada vuruşmasına icazə verilsə, bu onlar üçün bayram olacaq”- deyə o vurğulayıb.

Ötən ilin dekabrında Kadırov vəzifəsini buraxıb Donbasa döyüşə getməyə hazır olduğunu bildirmişdi.

- o əlavə edib.
Qeyd edək ki,Rusiya prezidenti Vladimir Putin sentyabrın 28-də, ABŞ prezidenti Barak Obama ilə danışıqlardan sonra bildirmişdi ki, Rusiya Suriyada yerüstü əməliyyat keçirməyi planlaşdırmır.