İki gündür otellərdən çıxarılan Azərbaycanlı zəvvarlar təşkilatçıların uçuşları düzgün koordinasiya etməməsi  və səriştəsizliyi ucbatından hava limanı və otellər arasında qalıb

Ahlibeyt.az-ın məlumatına görə,hazırda iki qrupdan ibarət 600-dən çox zəvvarımız Ciddə hava limanında təyyarə verilməsini gözləyir və təyyarələrin nə zaman verilməsi hələ ki,müəyyən deyil.

Sentyabrın 29-u gecə saatlarında QMİ rəsmiləri tərəfindən otellərdən çıxarılaraq Ciddə hava limanına gətirilən  zəvvar qruplarından biri səhər saat 5 də vətənə dönməli olduğu halda yalnız axşam saat beş radələrində təyyarəyə qalxıblar,digər 375 nəfərlik bir qrup isə gecə saatlarında avtobuslara mindirilərək Ciddə yaxınlığındakı bir neçə otel və motellərə yerləşdiriliblər.

Zəvvarların bildirdiyinə görə,Ciddə limanında gözləmə salonları yoxdur, yalnız açıq hava altında heç bir havalandırma sistemi olmayan şəraitsiz sektorlardan ibarətdir və bu şəraitdə 40 dərəcə istiyə tab gətirə bilməyən zəvvar arasında halı pisləşən və hətta urəyi gedənlər olub.

Bildirilir ki,zəvvarlarla təşkilatçılar arasında yaranan narazılıqdan sonra,onlar gecə ilə Ciddə yaxınlığındakə otel və motellərə yerləşdiriliblər.Amma yerləşdirildikləri otellərdə də şəraitsizlik,antisanitariya hökm sürüb,həmçinin bir neçə saatdan sonra yenidən hava limanına geri qaytarılmaları yaşlı və qadınlar üçün ciddi narahatlıq yaradıb.

Hazırda hava limanına qaytarılan 375 nəfərlik qrupla bəarabər digər bir qrup da otellərdən çıxarılaraq Ciddəyə gətirilib lakin təyyarələrin verilməsi qeyri-müəyyən vaxta qədər təxirə salınıb.Bildirək ki.analoji vəziyyət ilk belə hal deyil.

Zəvvarlar qeyd edir ki,bu il Məkkədəki otellər çox keyfiyyətsiz olub, yemək, qidalanma çoxları üçün ciddi problemə çevrilib.Ərəfat və Minadakı  çadırlarda vəziyyət dözümsüz olub. Bütün bunlardan təşkilatçıların xəbərdar olduqlarını bildirirlər