Bu gün Azərbaycanın bütün məscid və ziyarətgahlarında müqdəs Qurban bayramı münasibəti ilə bayram namazı qılınıb,dualar oxunub

Ahlibeyt.az-ın məlumatına görə,ölkənin bir çox ibadət ocaqlarnda olduğu kimi,paytaxtın "Məşədi Dadaş" məscidində Qurban bayramı namazı qılınıb.

Minlərlə inanclının toplandığı bayram namazı axund Hacı Əkrəm Əliyevin imaməti ilə qılınmış,bayram xütbəsi oxunmuşdur.

Dünya müsəlmanlarını və Azərbaycan xalqını bu mübarək bayram münasibəti ilə təbrik edən xətib bu mübarək günün tarixi ilə tanış edərək qurbanlığın insanlara verdiyi mənəvi və ictimai faydalarına toxunmuşdur.

Xütbənin sonunda xalqıımızın və dövlətimizin firavanlığı,işğal altında olan torpaqların tezliklə geri qaytarılması vətən yolunda dünyasını dəyişmiş şəhidlərin ruhuna dualar oxunmuşdur.

Qeyd edək ki,məscidin imam camaatı Hacı Şahin Həsənli hazırda müqəddəs Həcc ziyarəti səfərindədir.