Prezident İlham Əliyev Səudiyyə Ərəbistanının Kralına başsağlığı verib

Azərbaycan Respublikasının Prezidenti İlham Əliyev Məkkədədə baş vemiş faciə ilə bağlı İki Müqəddəs Ocağın Xadimi, Səudiyyə Ərəbistanının Kralı Əlahəzrət Salman bin Əbdüləziz Al Səuda başsağlığı verib.

Ahlibeyt.az-ın məlumatına görə, başsağlığında deyilir:

"Məkkə şəhərindəki Məscidül-Həramda baş vermiş faciə nəticəsində çoxsaylı insan tələfatı xəbəri bizi son dərəcə sarsıtdı.

Bu faciə ilə əlaqədar Sizə, həlak olanların ailələrinə və yaxınlarına şəxsən öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm. Allah rəhmət eləsin!"

Son məlumatlara görə, Kəbədə qaldırıcı kranın aşması nəticəsində ölənlərin sayı 107 nəfərə çatıb, 238 nəfər xasarət alıb. Hazırda Məkkədə Həcc ziyarəti həyata keçirilir.