Həzrəti Məhəmməd(s) filmi avqustun 12-də Beynəlxalq Film Festivalıda göstəriləcək(video)

İranlı rejissor və ssenarist Məcid Məcidinin çəkdiyi "Məhəmməd" filmi artıq hazırdır. Məhəmməd peyğəmbərin (s) uşaqlıq həyatından bəhs edən film yayıma çıxarılmadan əvvəl çəkiliş qrupu tərəfindən izlənilib.

Ahlibeyt.az Azertac-a istinadla xəbər verir ki, İran və Türkiyə kino mütəxəssislərinin birgə ərsəyə gətirdikləri film "Əbraha ordusu" və "Fil" əhvalatları ilə başlayır.

Filmin ümumi büdcəsi 30 milyon dollar dəyərində hesablanıb.

Türkiyəli yazıçı İhsan Kabil filmdə bəzi yerlərdə animasiya səhnələrindən istifadə edildiyini bildirib.

Filmdə "Peyğəmbər"in yalnız arxadan çəkildiyini bildirən yazıçı gecə və gündüz səhnələrində Məkkə şəhərinin yer aldığını söyləyib.

Peyğəmbərin (s) həyatının 12 yaşınadək olan dövrünü əhatə edən filmin dünya premyerası avqustun 12-də 39-cu Montreal Beynəlxalq Film Festivalında reallaşacaq.

Qeyd edək ki, filmin rejissoru Məcid Məcidi çəkdiyi bir sıra ekran əsərlərinə görə beynəlxalq festivalların laureatı olub.