Ordumuz ermənilərin pilotsuz uçan aparatını məhv etdi (VİDEO)

Cəbhədə məhv edilən erməni PUA-sı mövqelərimiz üzərində uçuşa cəhd edib

Ahlibeyt.az-ın AnsPress-ə istinadən verdiyi xəbərə görə,bu barədə Müdaxiə Nazirliyi mətbuat xidmətinin məlumatında bildirilir ki, Ermənistan Silahlı Qüvvələrinin növbəti pilotsuz uçan aparatı (PUA) məhv edilib.PUA cəbhənin Ağdam rayonu istiqamətində vurulub.

Silahlı Qüvvələrimizin mövqeləri üzərində uçuşlar həyata keçirməyə cəhd göstərən Ermənistan Silahlı Qüvvələrinə məxsus 1 ədəd DJI Inspire1 (Quadcopter) pilotsuz uçan aparat bölmələrimizin sayıqlığı nəticəsində vaxtında aşkar olunaraq atəş nəticəsində məhv edilib.

Azərbaycan tərəfinin məhv etdiyi PUA

Xatırladaq ki, bu təmas xəttində vurulan ilk pilotsuz uçan təyyarə deyil. Belə ki, bu ayın əvəllərində cəbhənin Füzuli və Tərtər rayonu istiqamətində Silahlı Qüvvələrimizin mövqeləri üzərində uçuşlar həyata keçirməyə cəhd göstərən Ermənistan Silahlı Qüvvələrinə məxsus 3 ədəd DJI Inspire1 (Quadcopter) tipli pilotsuz uçan aparat (PUA) bölmələrimizin sayıqlığı nəticəsində vaxtında aşkar olunaraq açılan atəş nəticəsində məhv edilib.

Yanvar ayında da cəbhənin Ağdam istiqamətində Silahlı Qüvvələrimizin mövqeləri üzərində erməni PUA-sı Hərbi Hava Qüvvələrimiz tərəfindən məhv edilmişdi.

Ermənilərin pilotsuz uçan aparatının Azərbaycan Silahlı Qüvvələri tərəfindən vurulması Türkiyə mətbuatında da geniş şəkildə işıqlandırılmışdı.