Azərbaycan Mətbuat Şurası (AMŞ) “Azərbaycanın mətbuat məkanında ədəbi dilin qorunmasına dəstək” layihəsinə start verib

Ahlibeyt.az-ın məlumatına görə,AMŞ-dan bildirilib ki, Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyə yardımı ilə gerçəkləşdiriləcək layihənin məqsədi mətbuatda ədəbi dilin normalarının pozulmasına qarşı ictimai qınaq metodlarının effektivliyini artırmaq, bununla əlaqədar neqativ cəhətlərin aradan qaldırılmasında ictimai aktivliyi təmin etməkdən ibarətdir.

Layihə çərçivəsində Lənkəran və Quba rayonlarında, eləcə də paytaxt Bakıda “Mətbuatda Azərbaycan ədəbi dilinin qorunması: problemlər və perspektivlər” mövzusunda “dəyirmi masa”ların təşkili planlaşdırılır.

“Dəyirmi masa”lar və konfransda kütləvi informasiya vasitələri təmsilçilərinin, ictimaiyyət nümayəndələrinin, dilçi alimlərin iştirakı nəzərdə tutulur.