Dini Qurumlarla İş üzrə Dövlət Komitəsinin sədri Mübariz Qurbanlı Ramazan bayramı münasibətilə Azərbaycan xalqını təbrik edib.

Ahlibeyt.az-ın  Salamnews-a istinadən verdiyi xəbərə görə, Mübariz Qurbanlınin rəsmi "Facebook" səhifəsində qeyd olunan təbrikdə deyilir:

"Əziz dostlar, Sizi insanlar arasında şəfqət və mərhəmət duyğularını artıran, xeyirxahlıq və əmin-amanlıq rəmzi olan Ramazan bayramı münasibətilə təbrik edir, uzun ömür, möhkəm cansağlığı və fəaliyyətinizdə yeni-yeni nailiyyətlər arzulayıram.

İnanıram ki, bu mübarək bayram günlərində ölkəmizin rifahı və tərəqqisi, şəhidlərimizin ölməz ruhu üçün edilən dualar Uca Yaradanın dərgahında qəbul olunacaq.

Sevindirici haldır ki, ümummilli lider Heydər Əliyev yolunun layiqli davamçısı möhtərəm prezidentimiz cənab İlham Əliyevin rəhbərliyi ilə gündən-günə inkişaf edən və güclənən respublikamızda Ramazan bayramı humanizm, sülh, əmin-amanlıq və həmrəylik rəmzi kimi hər il yüksək səviyyədə qeyd olunur.

Müqəddəs Ramazan bayramının Sizə və ailənizə cansağlığı, firavanlıq, süfrələrinizə xeyir-bərəkət gətirməsini arzulayıram. Bayramınız mübarək!"