Azərbaycanda bayram namazının vaxtı açıqlandı

Qafqaz Müsəlmanları İdarəsi sədrinin 1-ci müavini namaz vaxtını və yerini elan edib -"Bu il Ramazan ayının bayram namazı iyulun 18-də qılınacaq".

Ahlibeyt.az-ın məlumatına görə,bunu AnsPress-ə açıqlamasında Qafqaz Müsəlmanları İdarəsinin sədrinin 1-ci müavini, Hacı Salman Musayev deyib.

Onun sözlərinə görə, namaz saat 09:00-da Göy məsciddə, saat 10:00-da isə Təzəpir məscidində qılınacaq.

Xatırladaq ki, Ramazan bayramı iyulun 18-nə təsadüf edir. Bayramla bağlı olaraq bu il 4 gün qeyri-iş günü olacaq.

Hər il Ramazan ayının sonunda fitrə zəkatı verilməlidir.

Zəkatın bayrama kimi ehtiyacı olan şəxslərə çatdırılması məsləhətdir.

Fitrə zəkatı oruc tutan və tutmayan, xəstə və ya sağlam, yaşından asılı olmayaraq hər bir ailə fərdinin adından verilməlidir. Əgər ailədə günbatana qədər uşaq doğulubsa, onun da adından zəkat verilməlidir. Eyni zamanda fitrə zəkatının pulla verilməsi vacib deyil, ərzaqla da verilə bilər.