إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

QMİ-dən Həcc ziyarəti ilə bağlı xəbərdarlıq

Qafqaz Müsəlmanları İdarəsi Azərbaycandan bu il Həcc ziyarətinə getmək istəyənlərə xəbərdarlıq edib

Ahlibeyt.az-ın verdiyi xəbərə görə,  QMİ-nin yaydığı məlumat, qarşıdan gələn Həcc ziyarəti üçün sənəd qəbulunun vaxtı ilə bağlıdır.

Bildirilir ki, sənəd qəbulunun vaxtı bu ayın sonu – iyulun 31-də yekunlaşır və ziyarətə getmək istəyən zəvvarlar sənədlərini təqdim etmək tələsməlidir. 31 iyul sənəd qəbulu üçün son tarix olacaq.

Qeyd edək ki, bu il Azərbaycandan Həcc ziyarətinə səfər sentyabrın 11-i başlayacaq. Hazırda Həcc ziyarətinə sənədlərin qəbulu davam edir. Hər il olduğu kimi, bu il də zəvvarlara ziyarət iki formada təklif olunur. Daha yaxşı şəraitli hotellərdə qalmaq, bahalı yeməklərlə təmin olunmaq, o cümlədən hotellərdə 4 nəfərlik otaqlarda yerləşdirmə şərti təklif olunan variantın xərci 5750 dollar, nisbətən ucuz şəraitli, 6 nəfərlik otaqlı hotellərdə qalmaq üçün təklif olunan variant isə 4700 dollardır.

Zəvvarlardan sənəd qəbulu üçün pasport, şəxsiyyət vəsiqəsinin surəti, 3x4 sm ölçüdə 4 ədəd fotoşəkil və sağlamlıq haqqında arayış tələb olunur. Sənədlərin qəbulu yalnız QMİ-də aparılır. Yaxın Şərqdə baş verən hadisələrlə əlaqədar olaraq ziyarət yalnız təyyarə ilə baş tutacaq. Uçuşları “AzAL” həyata keçirəcək. Bu il ilk dəfə olaraq ziyarət xərcləri ABŞ dolları ilə aparılır.

Saytın materiallarından istifadə edərkən istinad vacibdir!
13 İyul, 2015  12:15 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!