"Azərbaycanda Avropa və Amerikada olduğu kimi eynicinsli insanların nikahına heç zaman icazə verilə bilməz".

Ahlibeyt.az-ın məlumatına görə, bunu Trend-ə müsahibəsində Dini Qurumlarla İş üzrə Dövlət Komitəsinin(DQİDK) sədri,Mübariz Qurbanlı deyib.

Komitə Sədri qeyd edib ki, düzdür, Azərbaycan multikultural və tolerant ölkədir. Bu baxımdan o, bütün dünyaya nümunə ola bilər. Amma tolerantlığın da bir sərhədi var və bəzi məsələlərdə o sərhədi aşmaq olmaz: "Demokratiyanın tərifində deyildiyi kimi, mənim tolerantlığım sizin tolerantlığınızın sərhədində bitməlidir.

M.Qurbanlı bildirib ki,tolerantlıq öz mövqeyindən imtina etmək deyil.İndi tolerantıq deyə Avropada, Amerikada bəşəriyyət əleyhinə, Allah əleyhinə, insanlıq əleyhinə olan hərəkətləri bizdə təkrar etməliyikmi? Məsələn, eynicinslilərin nikahına biz də icazə verməliyikmi? Biz də bunu təkrar etməliyikmi? Xeyr, etməməliyik! Heç vaxt etməməliyik! Biz tolerant ola bilərik, amma onun da bir yerə qədər sərhəddi var".