Sovetlər yenicə dağılmışdı o zaman gənclər kiçik bir namaz otağında toplaşıb dini bilgilərlə tanış olmağa başlayanda təsəvvür belə edə bilməzdilər ki,"Hüseyniyyə" kimi tanınan bu namaz otağı Azərbaycan xalqına böyük bir din alimi bəxş edəcək.

O zamanlar bəlkə də heç kim düşünə bilməzdi ki, qısa bir zaman ərzində bir çoxlarının və xüsusən gənclərin sevimlisinə çevrilən ilahiyyatçı alimimiz xalqımızı beynəlxalq simpozium və  konfranslarda təmsil edəcək.Onun insanların hidayəti,fəzilətlər,Əhli-beytin məqamı və onlara sevgi,vəhdət,nəfslə mübarizə və digər əhəmiyyəti bəhsləri insanların mənəvi və əxlaqi davranışlarında,xüsusən dini dünyagörüşlərində əhəmiyyətli dəyişikliyə səbəb olacaq.İlahiyyatçı alimimizin səsləndirdiyi fikirlər cəmiyyətin müxtəlif təbəqələri arasında müzakirə və araşdırma obyekti olacaq.

Bu gün sosial şəbəkələrdə onu yaxından tanıyan və tanımayan yüzlərlə insan onu təbrik edir,səsləndirdiyi fikirləri statuslarında paylaşır-Bu xalqımızın öz dininə və din aliminə olan ehtiramının göstəricisidir.

Ahlibeyt.az saytı olaraq dəyrli İslam alimi Hacı Şahin Həsənlini 41 yaşı münasibəti ilə təbrik edirik,sevimli ilahiyyatçımıza və ailəsinə, can sağlığı, uzun və bərəkətli ömr diləyirik.