Ayətullah Xameneyi - "İraqdakı terrorçuların ömrünə az qalıb"

İraq dövləti və xalqının terrorçulara müqaviməti bölgə ölkələrinin təhlükəsizliyini təmin edən əsas amillərdəndir. İraqlıların terrorla mübarizədə iradəsi və şücaəti daha mühüm rol oynayır. Ölkənizdə terrorçuların ömrünə az qalıb. Terror bu ölkədə müvəqqətidir.

Ahlibeyt.az-ın "Khamenei.ir"ə istinadla verdiyi xəbərə görə, bu sözləri İranın ali dini lideri Ayətullah Seyyid Əli Xamenei İraqın baş naziri Heydər əl-Abadini qəbul edərkən deyib.

Ali lider İraqda terrorla mübarizədə xalq qüvvələrinin səfərbər olmasını terror və imperializmə qarşı mübarizədə ən mühüm amil hesab edib, İraqda terrorçulara qarşı aparılan mübarizənin təkcə bu ölkənin deyil, bölgə ölkələrinin də təhlükəsizliyini təmin etdiyini bildirib.

O bildirib ki,İraq xalqı keçmişdə İngiltərə müstəmləkəçiliyi və ABŞ hərbi müdaxiləsi dönəmində bu aydın sezilmişdir ki,düşmənlər İraq xalqının heç zaman ki,səhnədə olmasını istəməmişlər.Bu üzdən xalqın dəstəyinə etimad olunmalıdır.

Ayətullah Xamenei İraqda kürd-ərəb və şiə-sünni ixtilaflarının yaradılmasının imperializmə xidmət etdiyini vurğulayıb və bildirib ki, bu ölkədəki xalq qüvvələrinin səfərbərliyi bir çoxlarını narahat edir.